h1

變形金剛:黑月降臨

六月 30, 2011

入場前先睇番首LINKIN PARK MV,IMAX睇MV堅正,而且首歌真係唔錯

講番套戲,之前有人話3D比得上AVATAR,真係睇完之後堅覺得係超正!

因為成套戲有9成係3D,真係用3D機拍的效果,同做後期製作完全係係兩碼子的事。

但係劇本就一集比一集差,今集根本係Sam(Shia LaBeouf)的個人SHOW,終於畢業找工作,間公司又會遇到狂派lor-.-

登月條故事線係OK,視覺效果真係無得彈,不過故事上有太多分支,

又要講特工,又要講女朋友個上司,太多野開左個頭,但係就草草收結。

Patrick Dempsey第一次睇佢做奸角,一黎唔夠奸,

二黎變奸的戲實在太快太突然,希望佢跳出公仔箱之後,可以培養下點做奸角。

Josh Duhamel真係花瓶到…上一集都話有打下,今集每次佢都係做埋D唔起眼野,因為好多戲都比個國防部女人講晒。

去到芝加哥以為會多D SOLO戲,仲衰,因為要賣3D,

所以除左Shia LaBeouf個team,其他時間就係影機械人,變相令Josh o個隊人好似去左都無咩用咁。

女主角就唔話得,第一次拍戲做花瓶角色幾到位,哈!女仔做花瓶始終有so D。

總括就係無3D,套戲即係變悶片,因為效果大於一切!

係Hangover 2個亞洲人幾好笑,為套戲加番少許亮點XD

但係我睇IMAX都幾滿意,今年最3D的電影!

13.5/14

h1

韓式三級片-慾愛彌彰

六月 15, 2011

入場睇韓國三級片基本上能夠保證獲得視覺觀感的感受,因為韓片除了不露第三點之外,就是什麼都給你看光光,不過睇電影如果只睇情慾畫面,那不如上tube8或者thisav會方便得多,所以話情慾片其實都要有情節既。今次有3screen而入場睇既慾愛彌彰,除了應該有既情慾外,故事也不俗。

介紹:
《我老婆係大佬》申恩 慶繼《他喜歡的是你》 後,在《慾愛彌彰》再 度與鄭俊浩合演夫妻, 電影通過三名男女糾纏 不清的不倫之戀,透視 男女間錯綜複雜的婚姻 與愛情的關係;戲中 《逆轉女王》鄭俊浩, 周旋在兩個女人之間,妻子素英(申恩慶 飾)得知丈夫智碩(鄭俊浩飾)與其他女人有 染後,她對情婦既嫉又羨,更對她個人感 到好奇,於是素英隱瞞真實身分,轉而設 法與丈夫有染的情人秀智(沈仁英飾)交上 朋友,還每天分享雙方與智碩的故事,兩 個女人的關係日漸親密,可是素英越是接 近秀智,三人的微妙三角關係就如漩渦般 越捲越深…

情慾方面,其實都大同小異,睇過霜花店同妮坦莉的情人的觀眾應該會明白我講咩既== 未睇過的人應該會比起睇肉蒲團較為滿足一點吧

劇情方面,套戲雖然幾神經(spolier:同二奶做fd,仲要代入二奶角色去鬧自己,ending居然挖完二奶個子宮,轉頭幫佢接生,仲似乎同佢一齊養死鬼老公個骨肉@@),不過至少都唔算係爛尾既,也許在這個情況下,男主角死才能令兩個女人能夠獲得解脫吧,不過凍死。。。真係好勉強,哈

申恩慶做這些苦情角色其實很駕輕就熟了(其實佢套套都苦情?!),反而鄭俊浩真係無咩發揮,可能因為成套戲女性角色太搶戲,三個男都係花瓶,sosad
9.5+/14

h1

兩性研究所8: 同個FD鍾意同一個人,仲出唔出手…?

十二月 31, 2010

常常聽到好多時候都會發生,你可能知道你個fd (下稱為A) 同你一樣原來都鍾意B,

咁仲好唔好表白呢

 

咁首先,好明顯內心那個隱形的秤又再出現

究竟同A 友誼重要d, 深d

定係對B 的傾慕多d, 好似大S咁誇

 

通常這個秤係唔會咁容易有答案的吧…

A可能係成日同你傾心事,乜都傾,識左超耐,就算好耐冇contact,一contact番就超熟…

但B…日日個腦都想住B, 好掛住, 又覺得如果唔把握這個機會, 蘇州過後無艇搭

 

當然,大多數的故事發展下去,是放棄友誼,選擇愛情

如果唔係,故事應該冇咁戲劇性吧…

選擇了愛情,很多人可能覺得很自私

為了自己的心意,而放棄那段這麼深厚的友誼,值得嗎?

 

但想深一層,如果A 一世都唔表白,又或者自己D TASTE同A完全一樣

咁唔通成世做和尚/尼姑嗎??

例子是極端了一點,但又不是完全荒謬的

 

如果同B一齊之前,先知會A,咁又會唔會好D

有d事至少acknowledge左,A 內心的感覺一定會比後知為佳

縱使結果可能都係絕交,但係都有嘗試過去挽留那段友誼

如果真係咁熟,都冇理由唔嘗試挽留下

 

但通常A都係從某人口中得知你同A拍拖…晴天霹靂左,絕埋交

如果戀情一路順利,咁你只是在人生作出了取捨

但如果分埋手,愛情又冇,友情又冇,灰左

 

好劣的文章,爛尾-.-寫作又生疏了

 

h1

兩性研究所7 謊言

十二月 30, 2010

經營一段感情,很多人都覺得大家應該坦誠相對

覺得既然兩個人相愛,大家還有什麼秘密,有什麼大家都應該知道

但100%真誠的感情,有幾多能夠白頭到老?

 

我沒有正式的統計

 

但本人覺得,給大家一點私人空間,全心全意相信對方

才有望能長廂私守下去

也不要把說慌當為一種罪

對方說謊總有他的理由

可能真的是怕你擔心,怕你傷心,甚至怕你胡思亂想

 

說真的,與異性好友出街不一定是罪

與EX聚舊,就算你知道,心裡也有條刺吧

對自己有點信心,也相信對方的決定

相信有些事情,在知道真相後是百害而無一利

 

如果對方真的是變了心,也不是阻止他與異性出街,便可以把心拿回來

只不過是他的心走了,或者是他的軀殼也走了,兩者之間的分別

 

但當然有些時候,謊言是沒有用處的

友人的伴侶,喜歡對方的日常生活都圍住自己走

為了與他相處便道出真相,希望有自己的私人時間

在這些情況大可以說句謊,做些違背自己原則的事,放棄一切社交去愛他

愛是講求遷就,對吧

 

但是,有人可以說一世謊嗎?

破壞自我去愛一個人,值得嗎?

這樣建基的愛情,可以維繫嗎?

我沒有答案

 

因為每對情侶如何維繫,是自身的事情

所有第三者都沒有資格去指手劃腳,說三道四

愛情需要的是互相遷就

只要找到大家相處的方法,就足夠了

 

再者,是否真心真意,只有當時人才知道

追究有沒有說謊亦不是重點了

重點是,當說謊成為了習慣

 

那個人你還願意愛嗎?

你還敢愛嗎?

 

(文章好像越寫越黑暗的樣子…)

 

h1

兩性研究所6: 後悔

十二月 29, 2010

總是覺得用後悔這個字的人,是有點自私

卸膊的表現

 

說後悔之前,應該先想想自己當日的選擇

如果當日冇盡過力,那根本就冇資格說後悔

而且,每一個經歷都會改變了自己的人生

識一個新朋友,入左間唔喜歡的學校/公司

初初可能會很討厭的

但過十年再想起來,

過去的每一件事都是在建築著未來的自己

 

突然很感觸,是看到某文章

說我後悔同你拍過拖

那是多麼傷心

感情的經驗尤其深刻,縱使EX,EXEX可能好衰好衰

但至少你在他身上上了一課,有得著

為了未來尋找真正的愛人而努力嘛

 

而且,拍拖係兩個人的事

既然覺得後悔,會唔會係當初根本了解未深就貿然開始?

感情不是地鐵,衝左入去又點?

搭錯車,只會浪費青春

 

h1

兩性研究所5: 展開感情的考量

十二月 28, 2010

同某某人講左要封筆

但係又手癢癢SOSAD

兩個人有太多MUTUAL FD是不是一件好事?

拍緊拖,OR曖昧中的戀人的確會為身邊的人增添無窮無盡的話題XDD

出街玩又唔使驚另一半悶親

之不過TOUCHWOOD分左手,

做番普通FD就冇所謂

但係如果面左左,

你去我唔去MODE,

周圍D FD都幾灰

就得你又唔就到另一個,

手心又係肉手背又係肉

不過,感情是應該盲目的

是我這些魔羯座的人想得太多了吧SOSAD

h1

兩性研究所4: “In a Relationship" 與 “It’s Complicated"

十二月 27, 2010

本人八卦已不是第一天的事,既然我係into everybody’s business

自然不少得拍拖的事了

轉STATUS我哩D八卦人當然無任歡迎

但係其實兩個人之間,幾時先應該公開

又或者,公開左會唔會弄巧反拙

 

我真心覺得,轉STATUS係應該在感情有一定的時間和基礎才轉的

轉得STATUS,就預左有人LIKE你,其他人會祝福你

但轉STATUS亦都會阻止晒一切狂風浪蝶lol

我唔係話鼓勵一腳踏兩船

只係轉STATUS所背負的壓力其實唔細,尤其係MUTUAL FD甚多的一對人

如果拍左1個月就散,無端端變番SINGLE真係唔知做咩

 

兩個人之間真係覺得性格不合,分得快係好事,無謂拖拖拉拉

但係周圍D FD就唔知你搞咩嘛

無端端勁多人話要慰問關心,其實自己更想靜靜地過番正常生活吧

 

仲有唔少人會轉STATUS做It’s Complicated

講真一段關係COMPLICATE緊,我覺得轉埋D咁嘅STATUS咪搞到仲複雜

轉左又唔會解決到問題,人地FB睇到,問你what’s up你又唔會講GA LA

 

倒不如找FD傾個電話,煲電話是很神奇的事情

很多事傾個電話就會想通了

 

所以話,轉STATUS前請三思!

又或者索性no longer listed as single啦!一了百了XDD